នៅថ្ងៃទី ២៥ ខែ មករា ឆ្នាំ ២០១៧ លោកជំទាវ ទី បូរ៉ាស៊ី ប្រធានគណៈកម្មការទី៥ ព្រឹទ្ធសភា បានដឹកនាំគណៈប្រតិភូ ចូលរួមពិភាក្សាផ្តល់យោបល់លើគម្រោងឯកសារគតិយុត្តស្តីពី វិសោធនកម្មបទបញ្ជាផ្ទៃក្នុងនៃសភានិយាយភាសាបារាំង នៅសភាសហព័ន្ធវ៉ាឡូនីប្រ៊ុចសែល សហគមន៍បារាំង ។ នៅថ្ងៃដដែល សភាសហព័ន្ធវ៉ាឡូនីប្រ៊ុចសែល ក៏បានរៀបចំជូនលោកជំទាវ ក៏ដូចជាប្រធានគណៈប្រតិភូទាំងអស់ និងសហការី បានចូលពិនិត្យដំណើរការសម័យប្រជុំរបស់សភា ស្តីពី បញ្ហាបច្ចុប្បន្នភាពសំខាន់ៗ ។