កាលពីព្រឹកថ្ងៃទី0២ ខែធ្នូ ឆ្នាំ២០១៦ លោកជំទាវ ទី បូរ៉ាសីុ ប្រធានគណៈកម្មការទី៥ និងជាប្រធានគណៈប្រតិភូព្រឹទ្ធសភាកម្ពុជា ត្រូវបានទទួលការស្វាគមន៍យ៉ាងកក់ក្តៅពីសំណាក់ ឯកឧត្តម ចែម វិជ្ជា ឯកអគ្គរាជទូតនៃព្រះរាជាណាចក្រកម្ពុជាប្រចាំនៅប្រទេសបារាំង។

ក្នុងឱកាសនៃជំនួបសំណេះសំណាលការងារ ភាគីទាំងពីរបានផ្លាស់ប្តូរព័ត៌មានសំខាន់ៗដែលបាននិងកំពុងកើតឡើងនៅប្រទេសកម្ពុជា និងនៅប្រទេសបារាំង ។

ទន្ទឹមនោះលោកជំទាវប្រធានបានជម្រាបជូនឯកឧត្តមឯកអគ្គរាជទូត អំពីលទ្ធផលជាវិជ្ជមាននៃដំណើរទស្សនកិច្ចនៅព្រឹទ្ធសភាបារាំង និងព្រឹទ្ធសភាលុចសំបួរ។