កាលពីថ្ងៃទី ២២ ខែ វិច្ឆិកា ឆ្នាំ ២០១៦ (ចាប់ពីព្រឹករហូតដល់ល្ងាច) គណៈប្រតិភូព្រឹទ្ធសភាកម្ពុជា ដឹកនាំដោយ លោកជំទាវ ទី បូរ៉ាស៊ី ប្រធានគណៈកម្មការទី៥ និង ឯកឧត្តម ជា ជេដ្ឋ ប្រធានគណៈកម្មការទី២ អមដំណើរគណៈប្រតិភូដោយ ឯកឧត្តម Vincent EBLÉ សមាជិកព្រឹទ្ធសភាបារាំង និងជាប្រធានក្រុមមិត្តភាពទ្វេភាគីព្រឹទ្ធសភាបារាំង-ព្រឹទ្ធសភាកម្ពុជា បានអញ្ជើញបំពេញទស្សនកិច្ចនៅមជ្ឈមណ្ឌលបណ្តុះបណ្តាលវិជ្ជាជីវៈតំបន់ Seine-et-Marne (តំបន់ឯកឧត្តម Vincent EBLÉ) ដែលមានឈ្មោះថា «វិទ្យាស្ថានមុខរបរ និងសិប្បកម្ម» ដែលមានជំនាញវិជ្ជាជីវៈជាច្រើនដូចជា ធ្វើនំ, នំបុ័ង, អ្នកកាប់សាច់(គោ ជ្រូក…), ជួសជុលរថយន្ត, ជាងឈើ, អគ្គិសនី។ល។