នាព្រឹកថ្ងៃអាទិត្យ ៧កើត ខែជេស្ឋ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី៩​ ខែមិថុនា ឆ្នាំ២០១៩ ឯកឧត្តម ឆាយ វណ្ណា លេខាធិការគណៈកម្មការទី៥ព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី២ បានអញ្ជើញជួបសំណេះសំណាល និងពិសានំបញ្ចុកសាមគ្គីភាពប្រកបដោយភាព សប្បាយរីករាយ ជាមួយនឹងបងប្អូនប្រជាពលរដ្ឋសាសនិកឥស្លាម និងអាជ្ញាធរឃុំកោងកាងស្រុកពញាក្រែក ដើម្បីពង្រឹងសាមគ្គីភាព មិត្តភាព និងឯកភាពជាតិបន្តរក្សាសន្តិភាពនិងការអភិវឌ្ឍន៍។

បន្ទាប់មកនៅរសៀលថ្ងៃដដែល ឯកឧត្តម ឆាយ វណ្ណា ក៏បានចូលចូលរួមជាមួយឯកឧត្ដម ម៉ូត យូសុះ សមាជិករដ្ឋសភា បានអញ្ជើញជួបសំណេះសំណាល និងពិសានំបញ្ចុកសាមគ្គី នៅភូមិពោធិឥន្ទស្រុកពញា ក្រែកខេត្តត្បូងឃ្មុំផងដែរ។