នាព្រឹកថ្ងៃទី១២ ខែមីនា ឆ្នាំ២០២១ លោកជំទាវ ឃួន ឃុនឌី សមាជិកាគណៈកម្មការទី៥ព្រឹទ្ធសភា និងជាសមាជិកាព្រឹទ្ធសភាប្រចាំភូមិភាគទី៨ បានអញ្ជើញចុះសួរសុខទុក្ខប្រជាពលរដ្ឋរងគ្រោះដោយភ្លើងឆេះផ្ទះចំនួន៣ខ្នងផ្ទះ ស្ថិតនៅភូមិនីពេជ(ក) ឃុំនីពេជ ភូមិតារាម ឃុំត្បែង និងភូមិស្នោ ឃុំត្រពាំងឫស្សី ស្រុកកំពង់ស្វាយ ខេត្តកំពង់ធំ ក្នុងឱកាសនោះលោកជំទាវបានឧបត្ថម្ភសម្ភារៈនិងថវិកាមួយចំនួនដល់ប្រជាពលរដ្ឋរងគ្រោះទាំង៣ខ្នងផ្ទះស្មើនឹង៣គ្រួសារសរុបចំនួន ២.១៨០.០០០រៀល ជាចុងក្រោយលោកជំទាវបានផ្តាំផ្ញើគ្រួសាររងគ្រោះទាំង៣ខ្នងផ្ទះសូមឱ្យមានការយកចិត្តទុកដាក់ខ្ពស់ទៅលើហានិភ័យផ្សេងៗ ជាពិសេសត្រូវចូលរួមទប់ស្កាត់ការរីករាលដាលនៃជំងឺកូវីដ-១៩ ដោយអនុវត្តតាមការណែនាំរបស់រាជរដ្ឋាភិបាល៣ការពារ និង៣កុំ