នារសៀលថ្ងៃទី០៤ ខែតុលា ឆ្នាំ២០២២ វេលាម៉ោង១៤:០០នាទី គណៈកម្មាធិការរៀបចំនៃមហាសន្និបាតអន្តរសភាអាស៊ានលើកទី៤៣ បានប្រជុំក្រោមអធិបតីភាពឯកឧត្តម ឈិត គឹមយាត ប្រធានដឹកនាំគណៈកម្មាធិការរៀបចំ និងជាអនុប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃព្រឹទ្ធសភា (គណៈកម្មការទី៥) ដើម្បីពិនិត្យវឌ្ឍនភាពការងាររបស់គណៈកម្មាធិការរៀបចំនៃមហាសន្និបាតអន្តរសភាអាស៊ានលើកទី៤៣ ដែលសភាកម្ពុជាធ្វើជាម្ចាស់ផ្ទះ និងបញ្ហាផ្សេងៗ នៅសាលសិក្ខាសាលាខាងជើង វិមានព្រឹទ្ធសភា ដោយមានការអញ្ជើញចូលរួមពីឯកឧត្តមអ្នករាយការណ៍ ប្រធានគណៈប្រតិភូសភាកម្ពុជា ព្រមទាំងលោកជំទាវ ឯកឧត្តមសមាជិក សមាជិកាគណៈកម្មាធិការរៀបចំ និងជំនួយការ នៃមហាសន្និបាតអន្តរសភាអាស៊ានលើកទី៤៣៕

ប្រភព៖នាយកដ្ឋានព័ត៌មាន