នារសៀលថ្ងៃសៅរ៍ ទី០៤ ខែមេសា ឆ្នាំ២០២០ លោកជំទាវ កង សៅរ៍ ធន សមាជិកព្រឹទ្ធសភាប្រចាំភូមិភាគទី៥ និងជាលេខាគណៈកម្មការទី៣ព្រឹទ្ធសភា បានអញ្ជើញជួបសំណេះសំណាល និងសួរសុខទុក្ខសមាជិកក្រុមប្រឹក្សាស្រុក ឃុំ ក្រុមយុវជន ស.ស.យ.ក ស្រុក ក្រុមការងារយុវជន ស.យ.ស.សស្រុក លោកប្រធានមណ្ឌលសុខភាព លោកនាយកវិទ្យាល័យសម្ដេច ហ៊ុន សែន អង្គសុរភី លោកយកបឋមសិក្សាអង្គលើកកោះស្នូក និងលោកនាយប៉ុស្ដិ៍ នាយប៉ុស្ដិ៍រង និងមន្ត្រីនគរបាលប៉ុស្តិ៍រដ្ឋបាលឃុំ និងមន្ត្រីភូមិទាំង៤ភូមិ ដើម្បីផ្សព្វផ្សាយអំពីវិធានការក្នុងការបង្ការ និងទប់ស្កាត់នៃការរីករាលដាលជំងឺកូវីដ១៩ ( COVID-19 ) នៅឃុំកំពង់ត្រាចខាងកើត ស្រុកកំពង់ត្រាច ខេត្តកំពត ដែលមានអ្នកចូលរួមសរុបចំនួន ៤១នាក់ ស្រី ៩នាក់ ។
ក្នុងឱកាសនោះដែរ លោកជំទាវកង សៅរ៍ ធន បានផ្សព្វផ្សាយ និងណែនាំដល់អ្នកចូលរួមទាំងអស់ ឲ្យគោរព និងប្រតិបត្តិតាមការណែនាំរបស់ក្រសួងសុខាភិបាល និងបាននាំយកអំណោយមួយចំនួនរួមមាន ៖ សាប៊ូដុំលាងដៃប្រូធិច ២១៦ដុំ, ម៉ាស ២៥០ម៉ាស, អាល់កុល (ចំណុះ១០០ml)៥០ដប, ទឹកបរិសុទ្ធ ២កេស, អង្ករ២បាវ ស្មើ១០០គក អំបិល១០០គក និងថវិកាចំនួន ៩២០,០០០៛ ( កៅសិបពីរម៉ឺនរៀលគត់ ) ផងដែរ ៕
