នៅរសៀលថ្ងៃទី ១៥/០១/២០២០ ឯកឧត្តម ច្រឹង គឹមស៊្រាន សមាជិកគណៈកម្មការទី៣នៃព្រឹទ្ធសភា តំណាងឯកឧត្តម ហ៊ុន ណេង តំណាងរាស្ត្រមណ្ឌលកំពង់ចាម បាននាំយកអំណោយទៅចែកជូនប្រជាពលរដ្ឋដែលរងគ្រោះដោយភ្លើងឆេះផ្ទះកាលពីយប់ថ្ងៃទី១៤/០១/២០២០ ចំនួន ៣ គ្រួសារ នៅភូមិបឹងដែង ឃុំព្រែកកក់ ស្រុកស្ទឹងត្រង់ ខេត្តកំពង់ចាម ដោយក្នុងមួយគ្រួសារៗទទួលបានថវិកា ៥៥០,០០០រៀល អង្ករ៥០គីឡូក្រាម មី០១កេះ ទឹកត្រី០១យួរ ទឹកស៊ីអ៊ីវ០១យួរ ត្រីខ ០១យួរ និងទឹកបរិសុទ្ធចំនួន០១យួរ ក្នុងនោះ ឯកឧត្តមក៏បានផ្តល់ថវិកាផ្ទាល់ខ្លួនជូនពួកគាត់ក្នុងមួយគ្រួសារៗនូវថវិកា ៥០,០០០រៀលផងដែរ។