ថ្ងៃអង្គារ ១៤កើត ខែមិគសិរ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១០ ខែធ្នូ ឆ្នាំ២០១៩ លោកជំទាវ កង សៅរ៍ធន សមាជិកាក្រុមសមាជិកព្រឹទ្ធសភាប្រចាំភូមិភាគទី៥ និងជាលេខាធិការគណៈកម្មការទី៣ព្រឹទ្ធសភា បានអញ្ជើញជួបសំណេះសំណាលសួរសុខទុក្ខក្រុមប្រឹក្សាឃុំ ប្រជាពលរដ្ឋ ព្រមទាំងបានពិនិត្យមើលសមិទ្ធផលស្រះទឹកទាំង១០ កន្លែង ដែលក្រុមសមាជិកព្រឹទ្ធសភាប្រចាំភូមិភាគទី៥ សហការជាមួយឯកឧត្តមបណ្ឌិត ម៉ុង ឫទ្ធី ប្រធានគណៈកម្មការទី៣ព្រឹទ្ធសភា ជីកស្តារក្នុងខេត្តកំពត ចំនួន ៨កន្លែង ខេត្តតាកែវ ចំនួន ១កន្លែង និងខេត្តកែប ចំនួន ១កន្លែង នាដើមឆ្នាំ២០១៩កន្លងមក។
