ឯកឧត្តម បណ្ឌិត ម៉ុង ឫទ្ធី អញ្ជើញជាគណៈអធិបតីក្នុងពិធីបញ្ចុះបឋមសិលា សាងសង់រោងចក្រចម្រាញ់ដូងប្រេងទី២ នៅអន្លង់ក្រពើ ខេត្តព្រះសីហនុ
ថ្ងៃទី 21 ខែកក្កដា ឆ្នាំ2024
នាព្រឹកថ្ងៃទី ១៩ ខែកក្កដា ឆ្នាំ២០១៣ ឯកឧត្តមបណ្ឌិតម៉ុង ឫទ្ធី ប្រធានគណៈកម្មការទី ៣នៃ ព្រឹទ្ធសភា បាន អញ្ជើញ ជាអធិបតីភាពដ៏ខ្ពង់ខ្ពស់ក្នុងពិធីបញ្ជុះបឋមសិលាសាងសង់រោងចក្រចម្រាញ់ដូងប្រេងរបស់ក្រុមហ៊ុនម៉ុង ឫទ្ធី វិនិយោគទុន ដំណាំដូងប្រេងកម្ពុជាទីពីរ ដែលមានទីតាំងស្ថិតក្នុង ភូមិអន្លង់ក្រពើ ឃុំជើងគោ ស្រុកព្រៃនប់ ខេត្តព្រះសីហនុ រួមនិងការអញ្ជើញចូលរួមពីភ្ញៀវជាតិ-អន្តរជាតិ ព្រមទាំងនិយោជិក-កម្មករ ប្រមាណ ២.៥០០នាក់។
|
|
 |
នាឱកាសនេះ ឯកឧត្តម បណ្ឌិត បានពាំនាំសេចក្តីនឹករលឹកសួរសុខទុក ពីសំណាក់សម្តេចទាំង៣ គឺសម្តេចអគ្គមហាធម្មពោធិសាល ជា ស៊ីម, សម្តេចអគ្គមហាពញាចក្រី ហេង សំរិន និងជាពិសេស សម្តេចអគ្គមហាសេនាបតីតេជោ ហ៊ុន សែន ដែលជានិច្ចជាកាលសម្តេចទាំង៣ តែងតែ គិតគូរដល់សុខទុក និងជីវភាពប្រជាពលរដ្ឋ និងការអភិវឌ្ឍន៍លើគ្រប់វិស័យ។ ទន្ទឹមនឹងនេះ ឯកឧត្តមបណ្ឌិត ក៏បានជម្រាបជូនអង្គពិធីជាថ្មីម្ដងទៀតពីការសាងសង់រោងចក្រចម្រាញ់ដូងប្រេងដ៏ទំនើបជាមួយនឹងបច្ចេកវិទ្យាថ្មី លើផ្ទៃដីទំហំ៥០ហិចតា ដែលមានសមត្ថភាពផលិតផ្លែដូងស្រស់១,០០០តោន ក្នុងមួយថ្ងៃ ។ រោងចក្រនេះត្រូវចំណាយប្រាក់សាងសង់ប្រហែល ២០លានដុល្លារ ក្នុងនោះរួមមានសំណង់រោងចក្រចម្រាញ់ដូងប្រេង អាងស្ដុកប្រេងដូង អគារការិយាល័យ និងផ្ទះស្នាក់នៅរបស់និយោជិត-កម្មករ ព្រមទាំងហេដ្ឋារចនាសម្ព័ន្ធ ។ជាទីបញ្ចប់ ឯកឧត្តម បណ្ឌិត បានផ្ដាំផ្ញើរដល់និយោជិត-កម្មករ ឲ្យខិតខំយកចិត្តទុកដាក់ការងារឲ្យបានល្អ និងកុំធ្វើចំណាកស្រុកដើម្បីរួមចំណែកអភិវឌ្ឍន៍ប្រទេសជាតិឲ្យរីកចំរើនរុងរឿងបន្ថែមទៀតនាពេលអនាគត និងផ្ដាំផ្ញើរអង្គពិធីទាំងមូល ក៏ដូចជាប្រជាជនដែលរស់នៅក្នុងតំបន់នេះឲ្យអញ្ជើញទៅបោះឆ្នោត ថ្ងៃទី២៨ ខែកក្កដា ឆ្នាំ២០១៣ ខាងមុខនេះ ហើយ ត្រូវជ្រើសរើសយកគណបក្សណាដែលជួយលើកតម្កើងកំរិតជីវភាពរបស់បងប្អូនឲ្យប្រសើរឡើង៕
អត្ថបទពាក់ព័ន្ធ
