គណៈកម្មការទី៣ ​ បានបើកកិច្ចប្រជុំអន្តរគណៈកម្មការជាមួយតំណាងរាជរដ្ឋាភិបាលលើសេចក្តីព្រាងច្បាប់ ស្តីពីការអនុម័តយល់ព្រមឲ្យព្រះរាជាណាចក្រកម្ពុជាចូលជាសមាជិកនៃកិច្ចព្រមព្រៀងស្តីពីការបង្កើត
វិទ្យាស្ថានអភិវឌ្ឍន៍បៃតងសកល

កាលពីរសៀលថ្ងៃទី២២ ខែវិច្ឆិកា​ ឆ្នាំ២០១២ នៅវិមានព្រឹទ្ធសភា​ ឯកឧត្តម ម៉ុង ឫទ្ធី​ ប្រធានគណៈកម្មការទី៣ព្រឹទ្ធសភា បានដឹកនាំកិច្ចប្រជុំអន្តរគណៈកម្មការព្រឹទ្ធសភា ជាមួយ​នឹងឯកឧត្តមបណ្ឌិត យិន គឹមស៊ាន រដ្ឋលេខាធិការក្រសួងបរិស្ថាន​ និងជាតំណាង​រាជរដ្ឋា​ភិបាល​​​​ ដើម្បីពិនិត្យពិភាក្សាផ្តល់យោបល់លើសេចក្តីព្រាងច្បាប់​ ស្តីពីការអនុម័តយល់ព្រម ឲ្យព្រះរាជាណាចក្រកម្ពុជា ចូលជាសមាជិកនៃកិច្ចព្រមព្រៀង ស្តីពីការបង្កើតវិទ្យាស្ថាន អភិវឌ្ឍន៍បៃតងសកល។