នាព្រឹកថ្ងៃសៅរ៍ ទី២៤ ខែតុលា ឆ្នាំ២០២០ ឯកឧត្តម អន ស៊ុំ លេខាធិការគណៈកម្មការទី៤ ព្រឹទ្ធសភា និងឯកឧត្តម ឈើយ ចាន់ណា លេខាធិការគណៈកម្មការទី៧ ព្រឹទ្ធសភា និងជាសមាជិកក្រុមព្រឹទ្ធសភា ប្រចាំភូមិភាគទី៤ បានអញ្ជើញចូលរួមក្នុងឱកាសដែលសម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានអញ្ជើញជាអធិបតីដ៏ខ្ពង់ខ្ពស់ ក្នុងពិធីចុះសួរសុខទុក្ខ និងនាំអំណោយគ្រឿងឧបភោគ បរិភោគថវិកា ជូនដល់ប្រជាពលរដ្ឋដែលរងផលប៉ះពាល់ដោយសារទឹកជំនន់នៅខេត្ត បន្ទាយមានជ័យ កម្មវិធីមានពីរគឺ គោលដៅទី១ : បរិវេណការដ្ឋានថៃ ភូមិ សូរិយាថ្មី ឃុំកូប ស្រុកអូរជ្រៅ មានប្រជាពលរដ្ឋ ចំនួន៥.០០០គ្រួសារ គោលដៅទី២ : បរិវេណដីឡូត៍ ឡេង ណាវ៉ាត់ត្រា ភូមិអូរអំពិល ឃុំទួលពង្រ ស្រុកម៉ាឡៃមាន ប្រជាពលរដ្ឋ ចំនួន៥.០០០គ្រួសារ។
