នៅព្រឹកថ្ងៃអាទិត្យ ទី៤ ខែតុលាឆ្នាំ២០២០ ឯកឧត្ដម មួង ប៉យ សមាជិកគណៈកម្មការទី៤ និងជាអនុប្រធានក្រុមសមាជិកព្រឹទ្ធសភាប្រចាំភូមិភាគទី៨ បានអញ្ជើញចូលរួមដង្ហែអង្គកឋិនទានសាមគ្គី ដែលរៀបចំដោយរដ្ឋបាលសាលាខេត្ដរតនគិរី ដង្ហែទៅកាន់វត្ដឥសាន្ដរតនារាម (វត្ដភ្នំស្វាយ)ស្ថិតនៅភូមិភ្នំស្វាយ សង្កាត់បឹងកន្សែង ក្រុងបានលុង ខេត្ដរតនគិរី ។ នៅព្រឹកថ្ងៃដដែលនោះ ឯកឧត្ដមក៏បានអញ្ជើញអមដំណើរឯកឧត្ដម ជៀង អំ ប្រធានក្រុមការងារថ្នាក់ជាតិចុះមូលដ្ថានខេត្ដរតនគិរី ដើម្បីពិនិត្យមើលការសាងសងព្រះពុទ្ធបដិមាដែលធ្វើពីថ្មភក់ ដែលមានកម្ពស់ ១៥,៥មែត្រ ភ្នែក ១០មែត្រ ទម្ងន់ជាង ៣០០តោន សម្រាប់ទុកជាទីសក្ខារៈបូជា សម្រាប់ពុទ្ធបរិស័ទទូទៅ និងជាតំបន់រមណីយដ្ឋានទេសចរណ៍វប្បធម៌នៅក្នុងខេត្ដរតនគិរី នៅលើភ្នំអមតៈ ។
