នាព្រឹកថ្ងៃទី១៥ ខែកក្កដា ឆ្នាំ២០២០ គណៈប្រតិភូព្រឹទ្ធសភានៃព្រះរាជាណាចក្រកម្ពុជា ដឹកនាំដោយឯកឧត្តម អន ស៊ុំ លេខាធិការគណកម្មការទី៤ព្រឹទ្ធសភា បានអញ្ជើញដាក់កម្រងផ្កា និងគោរពវិញ្ញាណក្ខន្ធសពឯកឧត្តម ឧត្តមសេនីយ៍ទោ ស សាវី នាយករង វិទ្យាស្ថានហ្វឹកហ្វឺន បណ្តុះបណ្តាលកងកម្លាំងរក្សាសន្តិភាព បោសសំអាតមីន និងកាកសំណល់សង្គ្រាម ដែលបានទទួលមរណភាពកាលពីថ្ងៃសុក្រ ទី២៩ ខែឧសភា ឆ្នាំ២០២០ វេលាម៉ោង១០:០៥ នាទីព្រឹក ក្នុងជន្មាយុ៦៣ឆ្នាំ នៅមន្ទីរពេទ្យកម្រិត២ចិន ដោយជំងឺក្នុងបេសកកម្មរក្សាសន្តិភាព អង្គការសហប្រជាជាតិ នៅសាធារណរដ្ឋម៉ាលី។ ពិធីបុណ្យទក្ខិណានុប្បទាន និងគោរវិញ្ញាណក្ខន្ធសពឯកឧត្តម ឧត្តមសេនីយ៍ទោ ស សាវី ត្រូវបានប្រារព្ធធ្វើនៅវិទ្យាស្ថានហ្វឹកហ្វឺន បណ្តុះបណ្តាលកងកម្លាំងរក្សាសន្តិភាព បោសសំអាតមីន និងកាកសំណល់សង្គ្រាម ស្ថិតនៅផ្លូវជាតិលេខ៥ ស្រុកឧត្តុង្គ ខេត្តកំពង់ស្ពឺ៕
