នាព្រឹកថ្ងៃអង្គារ ទី២៨ ខែមករា ឆ្នាំ២០២០ វេលាម៉ោង០៨:០០នាទីព្រឹក គណៈប្រតិភូព្រឹទ្ធសភា នៃព្រះរាជាណាចក្រកម្ពុជា ដឹកនាំដោយឯកឧត្តម អន ស៊ុ លេខាធិការគណោៈកម្មការទី៤ព្រឹទ្ធសភា បានអញ្ជើញគោរពវិញ្ញាណក្ខន្ធសពឯកឧត្តមនាយឧត្តមសេនីយ៍ ខូរ ឈា អនុរដ្ឋលេខាធិការក្រសួងការពារជាតិ ដែលបានទទួលមរណភាពកាលពីថ្ងៃសៅរិ៍ ទី២៥ ខែមករា ឆ្នាំ២០២០ វេលាម៉ោង២២:០០នាទីយប់ ក្នុងជន្មាយុ៧០ឆ្នាំ ដោយរោគាពាធ។ សពឯកឧត្តមនាយឧត្តមសេនីយ៍ ខូរ ឈា ត្រូវបានតម្កល់ទុកធ្វើបុណ្យទក្ខិណានុប្បទាន តាមប្រពៃណីសាសនា ស្ថិតនៅក្នុងភូមិលេខ២ សង្កាត់ព្រះពន្លា ក្រុងសេរីសោភ័ណ បន្ទាយមានជ័យ៕
