ឯកឧត្តម ទេព យុទ្ធី បានអញ្ជើញចុះសំណេះសំណាលសាកសួរសុខទុក្ខ និងលើកទឹកចិត្ដដល់មន្ត្រីកងកម្លាំងរបស់រដ្ឋបាលស្រុកដំណាក់ចង្អើរ និងរដ្ឋបាលក្រុងកែប
ថ្ងៃទី 28 ខែមេសា ឆ្នាំ2024
នាព្រឹកថ្ងៃទី២៥ ខែមេសា ឆ្នាំ២០២១ ឯកឧត្តម ទេព យុទ្ធី សមាជិកគណៈកម្មការទី៨ ព្រឹទ្ធសភា និង លេខាធិការក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចុះសំណេះសំណាលសាកសួរសុខទុក្ខ និងលើកទឹកចិត្ដដល់មន្ត្រីកងកម្លាំងរបស់រដ្ឋបាលស្រុកដំណាក់ចង្អើរ និងរដ្ឋបាលក្រុងកែប ប្រចាំការត្រួតពិនិត្យច្រកចេញ-ចូលឆ្លងកាត់ខេត្តកែប និងខេត្តកំពត ដែលទើបបង្កើតបន្ថែមថ្មី ចំនួនពីរគោលដៅ។
ក្នុងឱកាសនោះ ឯកឧត្តមបានសំណេះសំណាលណែនាំដល់កម្លាំងប្រចាំការ ឲ្យយកចិត្តទុកដាក់អប់រំ ណែនាំ អំពីគោលការណ៍ច្បាប់ សេចក្ដីសម្រេច សេចក្ដីណែនាំ វិធានការសុខាភិបាល វិធានការ៣កុំ-៣ការពារ និងធ្វើការត្រួតពិនិត្យអំពីសមាសភាព អត្តសញ្ញាណ ឯកសារបញ្ជាក់ផ្សេងៗ ដល់គ្រប់អ្នកធ្វើដំណើរឆ្លងកាត់ទាំងអស់ឲ្យបានហ្មត់ចត់ ដើម្បីរួមចំណែកទប់ស្កាត់ការឆ្លងរាលដាលនៃជំងឺកូវីដ-១៩ ព្រមទាំងបាននាំយកនូវអំណោយមួយចំនួនរួមមាន ៖ ទឹកបរិសុទ្ធ ភេសជ្ជៈ មី ក្រម៉ា និងថវិកាមួយចំនួនឧបត្ថម្ភជូនផងដែរ។
