នាព្រឹកថ្ងៃសុក្រ ១៥កើត ខែជេស្ឋ ឆ្នាំជូត ទោស័ក ព.ស. ២៥៦៤ ត្រូវនឹងថ្ងៃទី០៥ ខែមិថុនា ឆ្នាំ២០២០ ឯកឧត្តម ទេព យុទ្ធី សមាជិកគណៈកម្មការទី៨ ព្រឹទ្ធសភា និងជាលេខាធិការក្រុមសមាជិកព្រឹទ្ធសភាប្រចាំភូមិភាគទី៥ បានអញ្ជើញចូលរួមជាមួយក្រុមប្រឹក្សាខេត្ត គណៈអភិបាលខេត្ត និងមន្ត្រីរាជការក្នុងខេត្តកែប រៀបចំពិធីបួងសួងសុំសេចក្តីសុខចម្រើនពីសំណាក់បារមី លោកជំទាវ ម៉ៅ ជូនដល់ប្រជាពលរដ្ឋទូទាំងព្រះរាជាណាចក្រកម្ពុជា។ បន្ទាប់មក បានអញ្ជើញចូលរួមជាកិត្តិយសក្នុងបើកការដ្ឋានសាងសង់ផ្លូវក្រាលកៅស៊ូ AC ចំនួន ៧ខ្សែ មានប្រវែងសរុប ២, ៤២៤ម៉ែត្រ ស្ថិតនៅក្នុងភូមិថ្មី សង្កាត់ព្រៃធំ ក្រុងកែប ខេត្តកែប ។