នាព្រឹកថ្ងៃច័ន្ទ ៥រោច ខែមាឃ ឆ្នាំរកា នព្វស័ក ព.ស ២៥៦១ ត្រូវនឹងថ្ងៃទី០៥ ខែកុម្ភៈ ឆ្នាំ២០១៨ គណៈប្រតិភូក្រុម សមាជិកព្រឹទ្ធសភាប្រចាំភូមិភាគទី៦ (ខេត្តព្រៃវែង និងខេត្តស្វាយរៀង) ដឹកនាំដោយលោកជំទាវ មាន សំអាន ប្រធានក្រុម និងជាប្រធានគណៈកម្មការទី៨ ព្រឹទ្ធសភា និងដោយមានការចូលរួមពីឯកឧត្តម អ៊ុ ប៊ុនឡេង អភិបាលរង នៃគណៈអភិបាល ខេត្តព្រៃវែង បានអញ្ជើញជាគណៈអធិបតីក្នុងពិធីសំណេះសំណាលការងារជាមួយសមាជិក សមាជិកាក្រុមប្រឹក្សាឃុំ ក្នុងស្រុកសុីធរ កណ្តាល និងស្រុកពារាំង សរុបចំនួន ១៤១នាក់ នៅស្រុកសុីធរកណ្តាល ខេត្តព្រៃវែង ។