នារសៀល ថ្ងៃពុធ ទី១២ ខែតុលា ឆ្នាំ២០២២ ក្រុមសមាជិកព្រឹទ្ធសភាប្រចាំភូមិភាគទី៥ រួមមាន ឯកឧត្តម ខៀវ មុត ប្រធានក្រុម ឯកឧត្តម គិន ណែត អនុប្រធានក្រុម និងឯកឧត្តម លី សារី សមាជិកក្រុម បានអញ្ជើញចូលរួមពិធីបុណ្យសពលោកស្រី ទេព សូដានី ត្រូវជាកូនស្រីឯកឧត្តម ទេព យុទ្ធី លេខាធិការក្រុម ដែលបានទទួលមរណភាពកាលពីថ្ងៃទី១១ ខែតុលា ឆ្នាំ២០២២ វេលាម៉ោង ១៦ និង៤០នាទី ល្ងាច ដោយរោគាពាធ។ ពិធីបុណ្យនេះប្រព្រឹត្តទៅនៅគេហដ្ឋាន ឯកឧត្តម ទេព យុទ្ធី ភូមិអូរក្រសារ សង្កាត់អូរក្រសារ ក្រុងកែប ខេត្តកែប ។
