គណៈប្រតិភូក្រុមសមាជិកព្រឹទ្ធសភាប្រចាំភូមិភាគទី៥ ដឹកនាំដោយឯកឧត្តម ខៀវ មុត ប្រធានក្រុម ដោយមានការចូលរួមពីឯកឧត្តម ងិន ងិនដា អភិបាលរងនៃគណៈអភិបាលខេត្តកែប បានអញ្ជើញចុះជួបសំណេះសំណាល និងពិភាក្សាការងារជាមួយនឹងថ្នាក់ដឹកស្រុក និងសមាជិក សមាជិកាក្រុមប្រឹក្សាឃុំ នៃស្រុកដំណាក់ចង្អើរ សរុប៤៩នាក់ នារសៀលថ្ងៃទី២៤ ខែមីនា ឆ្នាំ២០២២ នៅសាលប្រជុំសាលាស្រុកដំណាក់ចង្អើរ ខេត្តកែប។ ក្នុងគោលបំណងដើម្បីឈ្វេងយល់ និងប្រមូលព័ត៌មាន ពាក់ព័ន្ធនឹងការអនុវត្តការងាររបស់ថ្នាក់ដឹកនាំស្រុក ឃុំ ការគាំទ្រការអភិវឌ្ឍនានារបស់ឃុំ ស្រុក ស្តាប់រាល់បញ្ហាប្រឈម និងសំណូមពរនានាជុំវិញការអនុវត្តតួនាទីភារកិច្ចរបស់ថ្នាក់ដឹកនាំស្រុក ក្រុមប្រឹក្សាឃុំ ការប្រមូលផ្តុំកម្លាំងសរុបសម្រាប់ត្រៀមធ្វើសកម្មភាពឆ្ពោះទៅកាន់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៥ ឆ្នាំ២០២២។
