នាព្រឹកថ្ងៃទី១៩ ខែមីនា ឯកឧត្តម ជឹម លាវ សមាជិកគណ:កម្មការទី១ និងជាសមាជិកក្រុមសមាជិកព្រឹទ្ធសភាប្រចាំភូមិភាគទី២ ឯកឧត្តម ច្រឹង គឹមស្រាន សមាជិកគណ:កម្មការទី៣ និងជាសមាជិកក្រុមសមាជិកព្រឹទ្ធសភាប្រចាំភូមិភាគទី២ និងឯកឧត្តម ងួន សុឹមអាន តំណាងរាស្រ្តខេត្តកំពង់ចាម និងជាតំណាងសម្តេចវិបុលសេនាភក្តី សាយ ឈុំ ប្រធានព្រឹទ្ធសភានៃព្រះរាជាណាចក្រកម្ពុជា បាននាំអំណោយ ដ៏ថ្លៃថ្លារបស់សម្តេចប្រធាន រួមមាន : ម៉ាសុីនអុកសុីហ្សែនចំនួន ២គ្រឿង ម៉ាសុីនវាស់កំដៅចំនួន ០៦គ្រឿង ម៉ាស់ចំនួ ន ៣កេះធំ និងឧបករណ៍ rapittest ចំនួន ០២កេះធំ ប្រគល់ជូនលោក ជឹម ទិត្យ ប្រធានមណ្ឌលសុខភាព ឃុំកោះសុទិន ដេីម្បីបំរេីជាប្រយោជន៍ជូនដល់ប្រជាពលរដ្ឋ ។ ក្នុងពិធីប្រគល់ទទួលនោះមានការអញ្ជេីញចូលរួមពីលោកប្រធានមណ្ឌលសុខភាព គ្រូពេទ្យ និងលោកស្រី ប្រធានការិយាលយ័ប្រតិបត្តិសុខាភិបាលស្រុក ព្រមទាំងក្រុមប្រឹក្សាឃុំផងដែរ ។ នាឱកាសនោះ ឯកឧត្តម ងួន ស៊ឹមអាន បានឧបត្ថម្ភ ដល់មណ្ឌលសុខភាពនូវថវិកាចំនួន២០០.០០០៛ ។ ក្នុងឱកាសនោះលោកប្រធានមណ្ឌលសុខភាព លោកស្រីប្រធានប្រតិបត្តិសុខាភិបាលស្រុក គ្រូពេទ្យ និងក្រុមប្រឹក្សាឃុំបានបង្ហញនូវទឹកចិត្តសប្បាយរីករាយ និងសូមគោរពថ្លែងអំណរគុណយ៉ាងជ្រាលជ្រៅចំពោះសម្តេចប្រធានព្រឹទ្ធសភា ដែលតែងតែយកចិត្តទុកដាក់ចំពោះសុខភាពប្រជាពលរដ្ឋក្នុងឃុំកោះសុទិន និងប្រជាពលរដ្ឋទូទាំងប្រទេស ។ បន្ទាប់ពីប្រគល់អំណោយរួច ឯកឧត្តម បានជួបសំណេះសំណាលជាមួយលោកហេង សានប្រធានស ស យ ក ឃុំ ហេីយលោកហេង សានបានរាយការណ៏អំពីចំនួនសមាជិកស ស យ ក ក្នុងឃុំបច្ចុប្បន្ននិងការកសាងសមាជិកថ្មី ដោយផ្តោតលេីគ្រូបង្រៀននៅវិទ្យាលយ័ គ្រូបង្រៀនបឋម ខ្មែរឥស្លាម និងប្រជាជនរស់នៅក្នុងភូមិ។ ជាចុងក្រោយ ឯកឧត្តម បានឧបត្ថម្ភដល់ក្រុមប្រឹក្សាឃុំក្នុងម្នាក់ៗចំនួនបួនមុឺនរៀលផងដែរ។
