គណប្រតិភូគណៈកម្មការទី១ព្រឹទ្ធសភា សំណេះសំណាលជាមួយនឹងអាជ្ញាធរស្រុក ក្រុមប្រឹក្សាឃុំទាំង១០ឃុំ នៅស្រុកជើងព្រៃ ខេត្តកំពង់ចាម ======= កាលពីថ្ងៃទី២៨ ខែមករា ឆ្នាំ២០២២ គណៈកម្មការសិទ្ធិមនុស្ស ទទួលពាក្យបណ្តឹង និងអង្កេតនៃព្រឹទ្ធសភា (ហៅកាត់គណៈកម្មការទី១) ដឹកនាំដោយឯកឧត្តម យ៉ង់ សែម ប្រធានគណៈកម្មការ បានអញ្ជើញជួបសំណេះសំណាលជាមួយនឹងអាជ្ញាធរស្រុក ក្រុមប្រឹក្សាឃុំទាំង១០ឃុំ នៅស្រុកជើងព្រៃ ខេត្តកំពង់ចាម ដើម្បីក្តាប់នូវស្ថានការណ៍ជាក់ស្តែង ពិនិត្យតាមដានយន្តការនៃការអនុវត្តកម្មវិធីនយោបាយភូមិឃុំ មានសុវត្ថិភាព និងស្ថានភាពជំងឺកូវិដ១៩ នាពេលបច្ចុប្បន្ន វិធានការបង្ការ ការពារ ទប់ស្កាត់ អប់រំប្រជាពលរដ្ឋ និងឈ្វេងយល់អំពីបញ្ហាប្រឈមនានារបស់ឃុំនីមួយៗក្នុងស្រុកជើងព្រៃ ដែលបានកំពុងជួបប្រទះ និងសំណូមពរផ្សេងៗ។ ពិធីសំណេះសំណាលនេះប្រព្រឹត្តិទៅដោយមានការអញ្ជើញចូលរួមពីលោកប្រធានក្រុមប្រឹក្សាស្រុក លោកអភិបាលស្រុក និងក្រុមប្រឹក្សាឃុំមកពីឃុំទាំង១០ក្នុងស្រុកជើងព្រៃ ខេត្តកំពង់ចាម សរុបចំនួន៥០នាក់៕
