នាព្រឹកថ្ងៃទី០៣ ខែតុលា ឆ្នាំ២០២១ ឯកឧត្ដម ខៀវ មុត អនុប្រធានគណៈកម្មការទី១នៃព្រឹទ្ធសភា និង ជាប្រធានក្រុមសមាជិកព្រឹទ្ធសភាប្រចាំភូមិភាគ៥ ឯកឧត្តម ទេព យុទ្ធី សមាជិកគណៈកម្មការទី៨ លេខាធិការក្រុមសមាជិកព្រឹទ្ធសភាប្រចាំភូមិភាគទី៥ និង ជាអនុប្រធានក្រុមការងារគណបក្សចុះមូលដ្ឋានខេត្តកែប រួមជាមួយលោកលេង សុខុម អភិបាលរងក្រុង និងសមាជិកក្រុមប្រឹក្សាសង្កាត់ បានអញ្ជើញចូលរួមពិធីបុណ្យកាន់បិណ្ឌវេនទី១២ ចំនួនពីវត្តគឺ វត្តចរិយាវង្ស វត្តភ្នំសរសៀរ ព្រមទាំងបាននាំយកទេយ្យវត្ថុ-បច្ច័យប្រគេនព្រះសង្ឃ និង ជូនលោកតាអាចារ្យ គណៈកម្មការវត្ត យាយជី និង កំលាំងការពារក្នុងវត្តទាំងពីរ ស្ថិតនៅក្នុងសង្កាត់អូរក្រសារ ក្រុងកែប ខេត្តកែប ។
