នាព្រឹកថ្ងៃទី២០ ខែឧសភា ឆ្នាំ២០២១ វេលាម៉ោង ១០:០០ព្រឹក ដល់ម៉ោង ១១:៣០ព្រឹក នៅសាលប្រជុំគណៈកម្មការទី១ព្រឹទ្ធសភា ឯកឧត្តម យ៉ង់ សែម ប្រធានគណៈកម្មការទី១ ព្រឹទ្ធសភា និងជាប្រធានដឹកនាំគណៈប្រតិភូដឹកនាំកិច្ចការទូទៅចូលរួមមហាសន្និបាតសហភាពអន្តរសភា(IPU) លើកទី១៤២ បានដឹកនាំកិច្ចប្រជុំ ដើម្បីត្រៀមចូលរួមប្រជុំសហភាពអន្តរសភា(IPU)លើកទី១៤២ លើកិច្ចការមួយចំនួន ដូចខាងក្រោម៖ ១-ពិភាក្សាអំពីដំណើរការរៀបចំក្នុងការប្រជុំមហាសន្និបាតសហភាពអន្តរសភា (IPU) លើកទី១៤២ ពីថ្ងៃទី២៤ ដល់ថ្ងៃទី២៨ ខែឧសភា ឆ្នាំ២០២១ ចាប់ពីម៉ោង៧:00ល្ងាច ដល់ម៉ោង១០:00យប់ តាមប្រព័ន្ធវីដេអូរ Zoom នៅសាលបណ្ណាល័យព្រឹទ្ធសភា ២-ពិភាក្សារលើបេក្ខជនដែលត្រូវបោះឆ្នោតនៅក្នុងគណៈកម្មាធិការសិទ្ធិមនុស្សនៃសមាជិកសភាចំនួន៦រូបមកពី ប្រទេសកម្ពុជា (ឯកឧត្តម ឈិត គឹមយាត), កាណាដា,ប៉ារ៉ាហ្គាយ,ម៉ាលី,កុងហ្គោនិងប្រទេសបែសិក ហើយត្រូវជ្រើសរើសតែចំនួន៣រូប ៣-រៀបចំឯកសារ សំរាប់ឡប់ប៊ីទៅប្រទេសជាមិត្ត អោយគ្រាំទ្របេក្ខភាពឯកឧត្តម ឈិត គឹមយាត ចូលជាសមាជិកគណៈកម្មាធិការសិទ្ធិមនុស្ស សមាជិកសភា នៃសហភាពអន្តរសភា(IPU) ៤-រាយការណ៍អំពីការរៀបចំទីកន្លែងសម្រាប់ប្រជុំតាមប្រព័ន្ធ វីដេអូរ Zoom នៅសាលបណ្ណាល័យព្រឹទ្ធសភា ៥-រៀបចំលិខិតបេសកកម្មដើម្បីកុំអោយជាប់បំរាមគោចរបស់សាលារាជធានីភ្នំពេញ កិច្ចប្រជុំនេះ មានការអញ្ជើញចូលរួមពី ឯកឧត្តម សោម សាវុធ អគ្គនាយករង នៃអគ្គនាយកដ្ឋានពិធីការ និងទំនាក់ទំនងអន្តរជាតិ ឯកឧត្តម គឹម សុចិត្រា អគ្គនាយករង នៃអគ្គនាយកដ្ឋានស្រាវជ្រាវ លោក កុយ ម៉ាឡៃវិរៈ ប្រធាននាយកដ្ឋានទំនាក់ទំនងអន្តរជាតិ លោក កេត ជិន្នរ៉ន ប្រធានលេខាធិការដ្ឋានអមគណៈកម្មការទី១ ព្រឹទ្ធសភា និងកញ្ញា យ៉ិន សូនីតា មន្ត្រីលេខាធិការដ្ឋានអមគណៈកម្មការទី១ព្រឹទ្ធសភា។
