នាព្រឹក ថ្ងៃសៅរ៍ ១០កើត ខែមាឃ ឆ្នាំ ជូត ទោស័ក ព.ស ២៥៦៤ ត្រូវនឹងថ្ងៃទី២៣ ខែមករា ឆ្នាំ២០២១ ឯកឧត្តម ខៀវ មុត អនុប្រធានគណៈកម្មការទី១ និងជាប្រធានក្រុមសមាជិកប្រចាំភូមិភាគទី៥ នៃព្រឹទ្ធសភាបានអញ្ជើញចូលរួមសំណេះសំណាល និងសួរសុខទុក្ខ និងពិភាក្សាការងារជាមួយក្រុមប្រឹក្សាឃុំ នៅក្នុងឃុំតាភេម ស្រុកត្រាំកក់ ខេត្តតាកែវ ។ ក្នុងឱកាសនេះឯកឧត្តមក៏បានផ្តាំផ្ញើរនិងលើកទឹកចិត្តឲ្យបន្តផ្សព្វផ្សាយការរស់នៅតាមបែបគន្លងថ្មី ក្នុងការងារថែទាំសុខភាពផ្ទាល់ខ្លួន តាមក្រុមគ្រួសារ និងតាមសហគមន៍ ជាពិសេសត្រូវរួមសហការគ្នាអនុវត្តន៍តាមការណែនាំថ្មីរបស់ក្រសួងសុខាភិបាលក្នុងការទប់ស្កាត់ជំងឺកូវីដ-១៩។
