យប់ថ្ងៃចន្ទ ០៨រោច ខែអាសាឍ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១៣ខែកក្កដា ឆ្នាំ២០២០ ឯកឧត្តម ថុង ចន់ សមាជិកគណ:កម្មការទី១ ព្រឹទ្ធសភា បានអញ្ជើញជាអធិបតីក្នុងពិធីបូជាសព ឯកឧត្តម ព្រឹទ្ធាចារ្យ រួន សិង្ហផាន់ អនុប្រធានគណៈកម្មាធិការគណបក្សខេត្តកោះកុង ដែលបានទទួលមរណភាព កាលពីថ្ងៃព្រហស្បតិ៍ ទី០៩ ខែកក្កដា ឆ្នាំ២០២០ ក្នុងជន្មាយុ ៧៧ឆ្នាំ ដោយជរាពាធ។ សពឯកឧត្តម ព្រឹទ្ធាចារ្យ រួន សិង្ហផាន់ ត្រូវបានតម្កល់ធ្វើបុណ្យតាមប្រពៃណី នៅវត្តអម្ពទិយារាម ហៅវត្តព្រែកស្វាយ ស្ថិតក្នុងភូមិស្ទឹងវែង សង្កាត់ស្ទឹងវែង ក្រុងខេមរភូមិន្ទ ខេត្តកោះកុង។
