នាព្រឹកថ្ងៃពុធ ៥រោច ខែភទ្របទ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៨ ខែកញ្ញា ឆ្នាំ២០១៩ នៅពន្ធនាគារខេត្តកោះកុង គណៈប្រតិភូគណៈកម្មការសិទ្ធិមនុស្ស ទទួលពាក្យបណ្តឹង និងអង្កេតនៃព្រឹទ្ធសភា (គណៈកម្មការទី១ព្រឹទ្ធសភា) ដឹកនាំដោយឯកឧត្តម ខៀវ មុត ប្រធានស្តីទីគណៈកម្មការ បានអញ្ជើញជួបពិភាក្សាការងារជាមួយនឹងមន្ត្រីពន្ធនាគារខេត្ត ដើម្បីពិនិត្យស្ថានភាពអ្នកជាប់ឃុំ (ពិរុទ្ធជន និងទណិ្ឌត) ការផ្តល់ថវិការថ្នាក់ក្រោមជាតិសម្រាប់ដំណើរការ និងអភិវឌ្ឍន៍ពន្ធនាគារ ដើម្បីធានាក្នុងការអនុវត្តសិទ្ធិអ្នកជាប់ឃុំ បញ្ហាប្រឈម ការលំបាក និងសំណូមពរ៕
