នាព្រឹកថ្ងៃអង្គារ ១០រោច ខែពិសាខ ឆ្នាំកុរឯកស័ក ព.ស ២៥៦៣ ត្រូវនឹងថ្ងៃទី២៩ ខែឧសភា ឆ្នាំ២០១៩ គណៈកម្មការសិទ្ធិមនុស្ស ទទួលពាក្យបណ្ដឹង និងអង្កេតនៃព្រឹទ្ធសភា ( គណៈកម្មការទី១) ដឹកនាំដោយឯកឧត្តម យ៉ង់ សែម ប្រធានគណៈកម្មការ បានអញ្ជើញជាអធិបតីភាពក្នុងកិច្ចប្រជុំ ដើម្បីត្រៀមរៀបចំអបអរសាទរ ខួបលើកទី៧០ នៃទិវាកុមារអន្តរជាតិ១មិថុនា ឆ្នាំ២០១៩ ស្ដីពី ការលើកកម្ពស់សិទ្ធិកុមារ ដោយមានការចូលរួមពីអគ្គលេខាធិការព្រឹទ្ធសភា តំណាងអង្គការការីតាស់ និងតំណាងក្រុមហ៊ុន Khmer household and healthcare ដែលបានជួយឧបត្ថម្ភ នៅសាលប្រជុំគណៈកម្មការទី១ ព្រឹទ្ធសភា។ ក្នុងកិច្ចប្រជុំនេះដែរ ក៏មានការពិនិត្យពិភាក្សា អំពីលទ្ធផលការងារ នៃការត្រៀមរៀបចំពិធីអបអរសាទរទិវាកុមារអន្តរជាតិ ១មិថុនាខួបលើកទី៧០ នៅវិទ្យាល័យអប់រំពិសេស ខេត្តកំពង់ចាម។
