កាលពីព្រឹកថ្ងៃទី០៦ ខែធ្នូ ឆ្នាំ២០១៦ នៅបន្ទប់ប្រជុំសណ្ឋាគារវិមានសុវណ្ណាភូមិ ខេត្តបាត់ដំបង ឯកឧត្តម អ៊ុក គង់ លេខាធិការក្រុមសមាជិកព្រឹទ្ធសភាប្រចាំភូមិភាគទី៤ និងជាសមាជិកគណៈកម្មការទី១ ព្រឹទ្ធសភា បានអញ្ជើញជួបសំណេះសំណាល និងសួរសុខទុក្ខ និស្សិតរៀននៅមហាវិទ្យាល័យនានាក្នុងក្រុងបាត់ដំបង ដែលពួកគេសុទ្ធតែជាសិស្ស នៅវិទ្យាល័យសំឡូត ស្រុកសំឡូត ទើបប្រលងជាប់សញ្ញាប័ត្រទុតិយភូមិឆ្នាំ២០១៦។ និស្សិតទាំងអស់ត្រូវបានឯកឧត្តម អ៊ុក គង់ ស្នើសុំអាហាររូបករណ៍ និងរកការងារឲ្យធ្វើ ដើម្បីបានកម្រៃផ្គត់ផ្គង់ការសិក្សា ដោយមិនបាច់យកប្រាក់ពីឪពុកម្តាយ ដែលមាជីវិភាពក្រីក្រ និងជាជនពិការ។
