គណៈប្រតិភូគណៈកម្មការទី១ព្រឹទ្ធសភា ទស្សនកិច្ចសិក្សាអំពីការអនុវត្តច្បាប់ និងស្ថានភាពសិទ្ធិមនុស្ស នៅខេត្តក្រចេះ
ថ្ងៃទី 23 ខែតុសា ឆ្នាំ2024
នាព្រឹកថ្ងៃទី២២ ខែតុលា ឆ្នាំ២០១៤ គណៈប្រតិភូគណៈកម្មការសិទ្ធិមនុស្ស ទទួលពាក្យបណ្តឹង និងអង្កេតនៃព្រឹទ្ធសភា (គណៈកម្មការទី១ ព្រឹទ្ធសភា) ដឹកនាំដោយឯកឧត្តម គង់ គាំ ប្រធានគណៈកម្មការ បានអញ្ជើញជួបសំណេះសំណាលជាមួយនឹងក្រុមប្រឹក្សាឃុំ-សង្កាត់ ជំទប់ទី១ និងជំទប់ទី២ ក្នុងក្រុងក្រចេះ និងប្រធានសមាគមក្រុមប្រឹក្សាឃុំសង្កាត់ក្រុងក្រចេះដើម្បីតាមដានការអនុវត្តសិទ្ធិរបស់ប្រជាពលរដ្ឋ រួមមាន៖សិទ្ធិទទួលការអប់រំ សិទ្ធិមានកម្មសិទ្ធិលើអចលនទ្រព្យ សិទ្ធិទទួលបានសេវាសុខាភិបាល និងការដោះស្រាយពាក្យបណ្តឹងរបស់ ប្រជាពលរដ្ឋ និងបញ្ហារបស់ក្រុមប្រឹក្សាឃុំសង្កាត់។
បន្ទាប់មកនាព្រឹកថ្ងៃដដែល គណៈប្រតិភូគណៈកម្មការទី១ព្រឹទ្ធសភាបានអញ្ជើញជួបពិភាក្សាការងារជាមួយនឹងលោក ពូ សារ៉ន ប្រធាន ពន្ធនាគារ និងមន្ត្រីពន្ធនាគារ ព្រមទាំងទស្សនកិច្ចពន្ធនាគារខេត្តក្រចេះ ដើម្បីសិក្សាឈ្វេងយល់អំពីការអនុវត្តសិទ្ធិមនុស្សនៅក្នុង ពន្ធនាគារ។
តមកគណៈប្រតិភូគណៈកម្មការទី១ព្រឹទ្ធសភា បានអញ្ជើញជួបពិភាក្សាជាមួយនឹងលោកឌិន ស៊ីវុទ្ធី ប្រធានសាលាដំបូងខេត្ត ព្រះរាជអាជ្ញា អមសាលាដំបូងខេត្ត និងចៅក្រមខេត្តក្រចេះ ដើម្បីសិក្សាឈ្វេងយល់ពីការអនុវត្តច្បាប់សិទ្ធិមនុស្ស បញ្ហាប្រឈមនានាដែលកើតមានក្នុង ខេត្ត។
នៅក្នុងដំណើរទស្សនកិច្ចសិក្សារបស់គណៈប្រតិភូគណៈកម្មការទី១ព្រឹទ្ធសភានាព្រឹកនេះ ឯកឧត្តម គង់ គាំប្រធានគណៈកម្មការ បានវាយ តម្លៃខ្ពស់ និងកោតសរសើរការអនុវត្តវិស័យសិទ្ធិមនុស្សនៅក្នុងពន្ធនាគារ ក៏ដូចជាការអនុវត្តច្បាប់សិទ្ធិមនុស្សនៅក្នុងសាលាដំបូងខេត្ត ក្រចេះ ដែលអនុវត្តន៍បានល្អប្រសើរ ជាពិសេសចំពោះអនីតិជន និងស្ត្រី ដែលធានាបានក្នុងការអនុវត្តច្បាប់សិទ្ធិមនុស្សដែលបុគ្គលគ្រប់រូប ទទួលបានចំពោះមុខច្បាប់៕
អត្ថបទ និងរូបភាព នាយកដ្ឋានព័ត៌មាន
អត្ថបទពាក់ព័ន្ធ
