នាព្រឹកថ្ងៃទី០៨ ខែមករា ឆ្នាំ២០១៤ នៅបន្ទប់ប្រជុំគណៈកម្មការទី១ វិមានព្រឹទ្ធសភាឯកឧត្តម យ៉ង់ សែម ប្រធានគណៈកម្មការសិទ្ធិមនុស្ស ទទួលពាក្យបណ្តឹង និងអង្កេតហៅកាត់គណៈកម្មការទី១ព្រឹទ្ធសភា បានអញ្ជើញ ដឹកនាំកិច្ចប្រជុំផ្ទៃក្នុងគណៈកម្មការដោយរបៀបវារៈមានដូចជា៖ ទី១-បោះឆ្នោតជ្រើសតាំងឯកឧត្តម អ៊ុក គង់ ជាអនុប្រធានគណៈកម្មការទី១ព្រឹទ្ធសភា ទី២-បោះឆ្នោតជ្រើសតាំង​ឯកឧត្តមឈួន​សឿន ជាលេខាធិការគណៈកម្មការ ទី១ព្រឹទ្ធសភា ទី៣-ពិនិត្យ និងសម្រេចលើសេចក្តីព្រាងផែនការប្រតិបត្តិរបស់គណៈកម្មការប្រចាំឆ្នាំ២០១៤ ព្រមទាំងបែងចែកភារកិច្ច និងការទទួលខុសត្រូវរបស់មន្ត្រីលេខាធិការដ្ឋានអមគណៈកម្មការ និងពិនិត្យបញ្ហាផ្សេងៗ៕