កាលពីព្រឹកថ្ងៃទី៣១ ខែធ្នូ ឆ្នាំ២០១២ គណៈប្រតិភូគណៈកម្ម- ការសិទ្ធិមនុស្ស ទទួលពាក្យ​បណ្តឹង និងអង្កេត ហៅកាត់គណៈ- កម្មការទី១ព្រឹទ្ធសភា ដឹកនាំដោយឯកឧត្តម យ៉ង់ សែម ប្រធាន​គណៈ​​កម្មការ បានអញ្ជើញជួប​ពិភាក្សាការងារជាមួយនឹង ឯកឧត្តមបណ្ឌិត អ៊ិត សំហេង រដ្ឋមន្រ្តីក្រសួង សង្គមកិច្ច អតីត យុទ្ធជន​​​ និងយុវនីតិសម្បទា  ក្នុងគោលបំណងឈ្វេងយល់អំពី បទពិសោធន៍ក្នុងការ ដោះស្រាយការងារទាក់ទងនឹងការអនុវត្ត ច្បាប់ ស្តីពីកិច្ចការពារ និងលើកកម្ពស់សិទ្ធិជនពិការ​  នៅទីស្តីការ ក្រសួង។
ឯកឧត្តមបណ្ឌិតអ៊ិត សំហេង រដ្ឋមន្រ្តីក្រសួងសង្គមកិច្ច អតីតយុទ្ធជន​ និងយុវនីតិសម្បទា បានរាយការណ៍ជូនគណៈប្រតិភូ គណៈកម្មការទី១ព្រឹទ្ធសភា អំពីរបាយការណ៍ការងារ ស្តីពីការងារ ពិការភាព ​និងការអនុវត្តច្បាប់ គោលនយោបាយ​ជាតិ ចំពោះជនពិការ ​ដែលរួមមាន៖ ទី១-​សភាព ការណ៍រួម ទី២-ស្ថិតិជន​ពិការ​​​​​ ទី៣-ការអនុវត្តច្បាប់ និងគោលនយោបាយ ជាតិចំពោះជនពិការ​ ទី៤-បញ្ហាប្រឈម និងទី៥-ទិសដៅបន្តរបស់ក្រសួង។ឯកឧត្តមបណ្ឌិតបានមានប្រសាសន៍បន្តទៀតថា​ ជនពិការ បច្ចុប្បន្ន គឺមានលក្ខណៈកាន់តែ ប្រសើរ ដោយសារ ពួកគាត់ទទួលបានការយកចិត្តទុកដាក់ពី រាជរដ្ឋាភិបាល​ និងការ ជួយជ្រោមជ្រែង ពីអង្គការជនពិការ​ ក្រុមជួយខ្លួនឯងរបស់ជន ពិការ អង្គការមិនមែនរដ្ឋានភិបាលជាតិ-អន្តរជាតិ ដែល​ធ្វើការ ទៅលើវិស័យពិការភាព និងបណ្តាដៃគូអភិវឌ្ឍន៍នានា ក្នុងការ លើកកម្ពស់សិទ្ធិ​ការស្តារលទ្ធភាព​ពលកម្ម ការបណ្តុះបណ្តាល វិជ្ជាជីវៈ​ និងការងារពង្រឹងសមត្ថភាពរបស់ជនពិការ។ មាន ប្រសាសន៍នាឱកាសនោះ ឯកឧត្តម យ៉ង់ សែម ប្រធានគណៈ កម្មការទី១ ព្រឹទ្ធសភា បានបញ្ជាក់អំពីគោលបំណងនៃការជួបពិភាក្សានាពេលនេះ​​ គឺដើម្បីឈ្វេងយល់អំពីបទពិសោធន៍​ក្នុង ការ​​ដោះស្រាយការងារទាក់ទងនឹងការអនុវត្តច្បាប់ កិច្ចការពារ​ និងការលើកកម្ពស់សិទ្ធិជនពិការ។
ឯកឧត្តមប្រធានគណៈកម្មការក៏បានមានប្រសាសន៍​ ជម្រាបជូនអំពីតួនាទី និងភារកិច្ច​របស់​គណៈ​កម្មការទី១ព្រឹទ្ធសភា ព្រម ទាំងមុខងារទាំងបីរបស់​ព្រឹទ្ធសភា ដែលរួមមាន៖ ទី១-មុខងារនីតិកម្ម ទី២-មុខងារតំណាង​​​ និងទី៣-មុខងារត្រួតពិនិត្យ។ ជាមួយគ្នានោះដែរ ដើម្បីចូលរួម​ចំណែក​ក្នុងការ​លើក កម្ពស់​សិទ្ធិមនុស្ស និងសិទ្ធិជនពិការនៅកម្ពុជា ឯកឧត្តមបានកោត សរសើរ និងវាយ​តម្លៃ​ខ្ពស់ចំពោះការ អនុវត្តការងារនាពេលកន្លងមក និងការលើកឡើងអំពីទិសដៅការងាររបស់ក្រសួង​សង្គមកិច្ច អតីតយុទ្ធ ជន និងយុវនីតិសម្បទា ក្នុងការចូលរួមចំណែកលើកកម្ពស់សិទ្ធិជនពិការឲ្យកាន់តែមានប្រសិទ្ធភាពខ្ពស់​​និងមានតម្លាភាពថែមទៀត។ក្នុងឱកាសនោះដែរឯកឧត្តមរដ្ឋមន្រ្តីក៏ជូនសៀវភៅច្បាប់ ស្តីពីកិច្ចការពារ និងលើកកម្ពស់សិទ្ធិ ជនពិការ ចំនួន២០០ក្បាល ជូនទៅដល់ប្រធានគណៈកម្មការទី១ព្រឹទ្ធសភា។
អត្ថបទ និងរូបភាព៖នាយកដ្ឋានព័ត៌មាន