នារសៀលថ្ងៃទី១៩ ខែសីហា ឆ្នាំ២០១៤ គណៈប្រតិភូគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃព្រឹទ្ធសភា ដឹកនាំដោយលោកជំទាវ ទី បូរ៉ាស៊ី ប្រធានគណៈកម្មការ បានអញ្ជើញជួបពិភាក្សាការងារជាមួយឯកឧត្តម Zheng Baigang អគ្គនាយកក្រសួងសន្តិសុខសាធារណៈ នៃសាធារណរដ្ឋប្រជាមានិតចិន។
ក្នុងជំនួបនោះផ្តោតសំខាន់ទៅលើការអនុវត្តច្បាប់ និងវិធានការណ៍ជាក់លាក់ដើម្បីគ្រប់គ្រងជនអន្តោប្រវេសសន៍ ដែលរស់នៅក្នុងសាធារណរដ្ឋប្រជាមានិតចិន ឲ្យស្ថិតនៅ ក្រោមច្បាប់ ដើម្បីឲ្យមានភាពងាយស្រួលក្នុងការគ្រប់គ្រង។
បន្ទាប់មកគណៈប្រតិភូ បានទស្សនកិច្ចសារមន្ទីរប្រវត្តិសាស្រ្តរបស់សភាប្រឹក្សានយោបាយប្រជាជនចិនផងដែរ៕

អត្ថបទ និងរូបភាព៖នាយកដ្ឋានព័ត៌មាន