នាថ្ងៃទី២០ ខែសីហា ឆ្នាំ២០១៤ គណៈប្រតិភូគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃព្រឹទ្ធសភា ដឹកនាំដោយលោកជំទាវ ទី បូរ៉ាស៊ី ប្រធានគណៈកម្មការ បានធ្វើទស្សនកិច្ចសិក្សាក្រុមហ៊ុនសាជីវកម្មកាសែត Xiamen Media Group  ដែលជាកាសែតប្រចាំទីក្រុង Xiamen ដើម្បីស្តាប់បទបង្ហាញអំពីប្រព័ន្ធ ផ្សព្វផ្សាយព័ត៌មានជូនប្រជាពលរដ្ឋ និងដើម្បីយល់ដឹងអំពីប្រសិទ្ធភាពនៃការផ្សព្វផ្សាយនៃសារព័ត៌មានកាសែត ដែលសាជីវកម្មនេះបានយកចិត្តទុកដាក់ក្នុងការសរសេរព័ត៌មាន ដែលផ្តោតសំខាន់ក្នុងការផ្តល់ព័ត៌មានពិតៗ បម្រើផលប្រយោជន៍ជូនប្រជាពលរដ្ឋ សំដៅទាក់ទាញអារម្មណ៍ឲ្យប្រជាពលរដ្ឋចូលចិត្តអានកាសែត។

អត្ថបទ និងរូបភាព៖នាយកដ្ឋានព័ត៌មាន