នាវេលាម៉ោង០៥ និង៣០នាទីរសៀល ថ្ងៃទី២៥ ខែសីហា ឆ្នាំ២០១៥ គណៈប្រតិភូព្រឹទ្ធសភា នៃព្រះរាជាណាចក្រកម្ពុជា ដឹកនាំដោយលោកជំទាវ ទី​ បូរ៉ាស៊ី ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃ ព្រឹទ្ធសភា អមដំណើរដោយឯកឧត្តម ស៊ុត ឌីណា ឯកអគ្គរាជទូត នៃព្រះរាជាណាចក្រកម្ពុជាប្រចាំនៅសាធារណរដ្ឋកូរ៉េ បានជួប

ពិភាក្សាការងារជាមួយលោកបណ្ឌិត KIM DOJONG សកលវិទ្យាធិការ នៃសកលវិទ្យាល័យ WONKWANG នៃទីក្រុងIKSAN ខេត្ត ជូឡាប៊ុងដូរ នៃសាធារណរដ្ឋកូរ៉េ ដែលបច្ចុប្បន្នសកលវិទ្យាល័យនេះ មាននិស្សិតកម្ពុជាកំពុងសិក្សាថ្នាក់បណ្ឌិតចំនួន០៣រូប, ថ្នាក់អនុ បណ្ឌិតចំនួន០២រូប និងថ្នាក់បរិញ្ញាបត្រចំនួន០១រូប។
ក្នុងឱកាសនោះ គណៈប្រតិភូ បានទៅគោរពវិញ្ញាណក្ខន្ធ នៅចេតីយ៍សពបុគ្គលិក ពេទ្យស្ម័គ្រចិត្តកូរ៉េ០២រូប ដែលបានបាត់បង់ជីវិត ដោយឧបទ្ទវហេតុធ្លាក់យន្តហោះនៅកម្ពុជា កាលពីថ្ងៃទី០៣ ខែកញ្ញា ឆ្នាំ២១៩៩៧ ក្នុងឱកាសលោកទាំងពីរ បំពេញបេសកកម្ម មនុស្សធម៌ជួយព្យាបាលជំងឺជូនប្រជាពលរដ្ឋ៕

អត្ថបទ និងរូបភាព៖នាយកដ្ឋានព័ត៌មាន