នៅថ្ងៃទី ២៦ ខែ មេសា ឆ្នាំ ២០១៦ វេលាម៉ោង ០៩:០០ ព្រឹក (ម៉ោងនៅប្រទេសអុីរ៉ង់) ឯកឧត្តម ឈិត គឹមយាត ប្រធានគណ:ប្រតិភូ សភាកម្ពុជា និងជាអនុប្រធានគណ:កម្មការទី ៥ ព្រឹទ្ធសភា បានអញ្ជើញចូលរួមពិធីបើកកិច្ចប្រជុំគណ:កម្មាធិការអចិន្រ្តៃយ៍កិច្ចការសង្គម និងវប្បធម៌នៃមហាសន្និបាតសភាអាសីុ (APA) ក្រោមអធិបតីឯកឧត្តម Abotorabi Fard អនុប្រធានសភា សាធារណរដ្ឋអុីស្លាមអុីរ៉ង់ ។
បន្ទាប់ពីស្តាប់សន្ទរកថាបើករបស់ឯកឧត្តមនុប្រធានរដ្ឋសភាអុីរ៉ង់ រួចមកឯកឧត្តម ឈិត គឹមយាត បានឡើងថ្លែងកំណត់សំគាល់ក្នុងនាម សភាកម្ពុជា ដែលជាប្រធានមហាសន្និបាតសភាអាសុី នាពេលបច្ចុប្បន្ននេះ ។