នាព្រឹកថ្ងៃពុធ ទី១២រោច ខែទុតិយាសាឍ ឆ្នាំច សំរឹទ្ធិស័ក ព.ស.២៥៦២ ត្រូវនឹងថ្ងៃទី០៨ ខែសីហា ឆ្នាំ២០១៨ នៅសាលសិក្ខាសាលាខាងជើង វិមានព្រឹទ្ធសភា ឯកឧត្តម ឈិត គឹមយាត ប្រធានទទួលបន្ទុកសហប្រតិបត្តិការជាមួយមហាសន្និបាតអន្តរសភាពអាស៊ាន (AIPA)  និងជាអនុប្រធានគណៈកម្មការទី៥ព្រឹទ្ធសភា បានអញ្ជើញជាអធិបតីភាពដឹកនាំកិច្ចប្រជុំពិនិត្យ ពិភាក្សា ដើម្បីត្រៀមរៀបចំការចូលរួមមហាសន្និបាតអន្តរសភា (AIPA) លើកទី៣៩ ដែលនឹងប្រព្រឹត្តទៅចាប់ពីថ្ងៃទី០៣ ដល់ថ្ងៃទី០៧ ខែកញ្ញា ឆ្នាំ២០១៨ នៅប្រទេសសឹង្ហបុរី។