នាព្រឹកថ្ងៃទី១៩ ខែតុលា ឆ្នាំ២០១៦ សមាជិក សមាជិកាព្រឹទ្ធសភា នៃព្រះរាជាណាចក្រកម្ពុជា បានអញ្ជើញចូលរួមសិក្ខាសាលា ស្តីពី បទពិសោធន៍នៃដំណើរការរៀបចំថវិកា ក្នុងបរិបទប្រទេសនិយាយភាសាបារាំង ច្បាប់ហិរញ្ញវត្ថុ ថវិកាថ្នាក់ក្រោមជាតិ និងការអនុវត្តថវិកា ក្រោមការសហការរៀបចំដោយ ក្រុមសភាជាតិកម្ពុជា APF សភានិយាយភាសាបារាំង និងអង្គការអន្តរជាតិនៃប្រទេសនិយាយភាសាបារាំង ដែលមានការអញ្ជើញចូលរួមពីសមាជិក សមាជិកាព្រឹទ្ធសភា-រដ្ឋសភានៃក្រុមសភាជាតិកម្ពុជានៃសភានិយាយភាសាបារាំង(APF) ​និងថ្នាក់ដឹកនាំអគ្គលេខាធិការដ្ឋានព្រឹទ្ធសភា-រដ្ឋសភា។
សិក្ខាសាលានេះ នឹងប្រព្រឹត្តទៅក្នុងរយៈពេល២ថ្ងៃ នៅសណ្ឋាគារសូហ្វីតែល រាជធានីភ្នំពេញ៕