កាលពីថ្ងៃទី២៩ ខែសីហា ឆ្នាំ២០១៧ លោកជំទាវ ទី បូរ៉ាស៊ី ប្រធានគណៈកម្មការទី៥ ព្រឹទ្ធសភា និងជាប្រធានក្រុមការងារតុមូលទី១ លើប្រធានបទ “គោលដៅអភិវឌ្ឍន៍ប្រកបដោយចីរភាពសម្រាប់ឆ្នាំ២០១៥-២០៣០ ស្តីពីវិស័យសុខាភិបាល និងសមភាពរវាងបុរស និងស្ត្រី ” និងឯកឧត្តម គង់ សារាជ ប្រធានគណៈកម្មការទី៩ និងជាសមាជិកក្រុមការងារតុមូលទី១ បានអញ្ជើញចូល រួមប្រជុំនៅវិមានរដ្ឋសភា ក្រោមអធិបតីភាព ឯកឧត្តម ប៉ែន បញ្ញា ប្រធានគណៈកម្មការទី៦ រដ្ឋសភា និងជា ប្រធាន គណៈកម្មការរៀបចំកិច្ចប្រជុំ APF តំបន់អាស៊ី-ប៉ាស៊ីហ្វិក លើកទី៨ ដើម្បីពិនិត្យលើឯកសាររបស់គណៈប្រតិភូក្រុមសភា ជាតិ កម្ពុជា APF សម្រាប់ថ្លែងក្នុងកិច្ចប្រជុំ នៅដើមខែកញ្ញា ឆ្នាំ២០១៧ ។