នាព្រឹកថ្ងៃពុធ ៦រោច ខែផល្គុន ឆ្នាំរកា នព្វស័ក ព.ស.២៥៦១ ត្រូវនឹងថ្ងៃទី០៧ ខែមីនា ឆ្នាំ២០១៨  លោកជំទាវ​ ទី​ បូរ៉ាស៊ី​ ប្រធានគណៈកម្មការទី៥​ និងជា ប្រធានក្រុមសមាជិកាព្រឹទ្ធសភា​ បានអញ្ជើញជាអធិបតីភាពក្នុងពិធីសំណេះសំណាលជាមួយនឹងមន្ត្រីរាជការ​ជានារី នៃអគ្គលេខាធិការដ្ឋានព្រឹទ្ធសភា​ ក្នុងឱកាស អបអរសាទរខួបអនុស្សាវរីយ៍លើកទី១០៧​ ទិវាអន្តរជាតិនារី​ ០៨ មីនា​ ក្រោមប្រធានបទ​ ស្ត្រីរួមគ្នារក្សាសន្តិភាពដើម្បីអភិវឌ្ឍន៍ជាតិ​ នៅសាលសិក្ខា សាលា បណ្ណាល័យ​ វិមានព្រឹទ្ធសភា។
ពិធីនេះប្រព្រឹត្តទៅតាមកម្មវិធី ដូចជា៖
-សេចក្តីរាយការណ៍ស្តីពី ស្ថានភាពនារី នៃអគ្គលេខាធិការដ្ឋានព្រឹទ្ធសភា​ ដោយលោកជំទាវ​ សួន​ ពុធថាវី​ អគ្គនាយិការង នៃអគ្គនាយកដ្ឋានសេវាច្បាប់​ និង សមូហភាពដែនដី​
-មតិសំណេះសំណាលរបស់ឯកឧត្តម​ អ៊ុ​ សារឹទ្ធ​ អគ្គលេខាធិការព្រឹទ្ធសភា
-មតិសំណេះសំណាលរបស់លោកជំទាវ​ ឡាក់​ អូន​ អនុប្រធានគណៈកម្មការទី២ព្រឹទ្ធសភា​
-និងមតិសំណេះសំណាលរបស់លោកជំទាវទី​ បូរ៉ាស៊ី​ ប្រធានគណៈកម្មការទី៥​ និងជាប្រធានក្រុមសមាជិកាព្រឹទ្ធសភា​៕