គណៈប្រតិភូគណៈកម្មការ កិច្ចការបរទេស សហប្រតិបត្តិការអន្តរជាតិ​ ឃោសនា ការ និងព័ត៌មានព្រឹទ្ធសភា ហៅកាត់ថា គណៈកម្មការទី៥ ដឹកនាំដោយ ឯកឧត្តម​  ឈឹត គឹយាត​ អនុប្រធាន​​ និង លោកជំទាវ ឈូក ​ឈឹម លេខាធិការគណៈកម្មការ បានអញ្ជើញចុះទៅជួបសំណេះសំណាល ការងារជាមួយនឹងអាជ្ញាធរស្រុកស្នួល និងអាជ្ញាធរច្រកទ្វារព្រំដែនអន្តរជាតិត្រពាំងស្រែ នៅទីស្នាក់ការគយ និងរដ្ឋាករ ត្រពាំងស្រែ ស្រុកស្នួល ខេត្តក្រចេះ កាលពីថ្ងៃទី៣០  ខែសីហា  ឆ្នាំ២០១២  ។

ក្នុងពិធីសំណេះសំណាលនាឱកាសនោះ ឯកឧត្តម ឈឹត​ ​​គឹមយាត អនុប្រធាន គណៈកម្មការទី៥ព្រឹទ្ធសភា ​បានមានប្រសាសន៍ថា គោលបំណងសំខាន់ៗនៃបេសកកម្មដែលគណៈប្រតិភូគណៈកម្មការ ទី៥ ព្រឹទ្ធសភា គឺសំដៅសិក្សាស្វែងយល់ឲ្យ​កាន់​​តែស៊ីជម្រៅលើវិស័យជំនាញ របស់គណៈកម្មការ ដូចជាការអនុវត្តច្បាប់​អន្តោប្រវេសន៍ ការផ្សព្វផ្សាយ ព័ត៌មាន ការទទួលព័ត៌មានរបស់ប្រជាពលរដ្ឋទូទាំងខេត្តក្រចេះ​ទាំងមូល​តាមរយៈវិឡុ ទូរទស្សន៍ ការសែត ទស្សនាវដ្តី ការគ្រប់គ្រងជនបរទេស កិច្ចសហប្រតិបត្តិការរវាងអាជ្ញាធរច្រកទ្វារព្រំដែនរបស់ខេត្តក្រចេះ ជាមួយ នឹងអាជ្ញាធរច្រកទ្វារព្រំដែនប្រទេស​វៀតណាម ការគ្រប់គ្រងពលករខ្មែរ ឆ្លងដែនទៅធ្វើការ​នៅបរ​ទេស និងការពង្រឹងទំនាក់ទំនងឲ្យកាន់តែជិតស្និទ រវាងព្រឹទ្ធសភា​ជាមួយនឹងអាជ្ញាធរខេត្តគ្រប់លំ​ដាប់ថ្នាក់ ។
លោក ម៉ែន វណ្ណា អភិបាលស្តីទីស្រុកស្នួល  បានមានប្រសាសន៍ថា​ ស្រុកស្នួល  គឺជាស្រុកមួយក្នុងចំណោមស្រុកទំាង៦ នៃខេត្ត ក្រចេះ ដែលស្ថិតនៅតំបន់ប៉ែកឥសាន្ត នៃប្រទេសកម្ពុជា  មានប្រជាជនសរុបចំនួន១១.៧៩៦គ្រួសារ ស្មើនឹង៥៨.៥៣៧នាក់​  ស្រី ចំនួន២៩.៣៦៦ នាក់   ក្នុងនោះ មានជនជាតិ ខ្មែរ ឥស្លាម វៀតណាម ព្នង ស្ទៀង ។
នៅក្នុងឱកាសនោះដែរ​ លោក នាង​ វណ្ណា ប្រធានសាខាគយខេត្តក្រចេះ បានធ្វើសេចក្តីរាយការណ៍ អំពីការងារគ្រប់គ្រងនិងការ ប្រមូលពន្ធនាំចេញ នាំចូលនៅច្រកទ្វារអន្តរជាតិត្រពាំងស្រែ និងលោក ហេង វុត្ថា នាយរងប៉ុស្តិ៍នគរបាលច្រកទ្វារអន្តរជាតិ ត្រពាំង ស្រែ បានធ្វើសេចក្តីរាយការណ៍អំពីការងារពាន់ព័ន្ធទៅនឹងការអនុវត្តច្បាប់អន្តោប្រវេសន៍ ការគ្រប់គ្រងជនបរទេសឆ្លងដែន ។
បន្ទាប់ពីបានស្តាប់របាយការណ៍របស់អាជ្ញាធរស្រុក និងអាជ្ញាធរច្រកទ្វារព្រំដែនរួមមក   ឯកឧត្តម ឈឹត​ ​​គឹមយាត អនុប្រធានគណៈ កម្មការទី៥ព្រឹទ្ធសភា បានមានប្រសាសន៍វាយតម្លៃខ្ពស់ចំពោះអាជ្ញាធរគ្រប់លំដាប់ថ្នាក់ ដែលបានខិតខំបំពេញតួនាទីភារកិច្ចរបស់ ខ្លួនបានយ៉ាងល្អប្រសើរ។   ឯកឧត្តមអនុប្រធានគណៈកម្មការទី៥ព្រឹទ្ធសភា បានមានប្រសាសន៍បន្តថា  ចំពោះការលំបាកការងាយ ស្រួល  និងបញ្ហារផ្សេងៗ ដែលអាជ្ញាធរស្រុក និងអាជ្ញាធរច្រកទ្វារអន្តរជាតិ បានជួបប្រទះ ឯកឧត្តម នឹងធ្វើរបាយការណ៍ជូនថ្នាក់ ដឹនាំព្រឹទ្ធសភា និងក្រសួង ស្ថាប័នពាក់ព័ន្ធដើម្បីជ្រាបជាព័ត៌មានផងដែរ ។​ អត្ថបទ និងរូបភាព​ នាយកដ្ឋាន