នាព្រឹកថ្ងៃទី១៨ ខែកុម្ភៈ ឆ្នាំ២០១៩  នៅសាលាស្រុកកែវសីមា ខេត្តមណ្ឌលគិរី គណៈប្រតិភូគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃព្រឹទ្ធសភា (គណៈកម្មការទី៥ព្រឹទ្ធសភា) ដឹកនាំដោយឯកឧត្តម ឈិត គឹមយាត អនុប្រធានគណៈកម្មការ បានអញ្ជេីញជួបពិភាក្សាការងារជាមួយនឹងអាជ្ញាធរស្រុក និងអាជ្ញាធរប្រចាំច្រកទ្វារព្រំដែនទ្វេភាគីឡាប៉ាខេ ដឹកនាំដោយលោក នួន សារ៉ន អភិបាលស្រុកកែវសីមា ដើម្បីសិក្សាស្វែងយល់ឲ្យកាន់តែស៊ីជម្រៅលើដំណេីការនៃការអនុវត្តន៍ច្បាប់អន្តោប្រវេសន៍ និងការគ្រប់គ្រងជនបរទេសឆ្លងដែន នីតិវិធីនៃការត្រួតពិនិត្យបែបបទចេញ ចូលនៅតាមច្រកទ្វាព្រំដែនទ្វេភាគីឡាប៉ាខេ ការផ្សព្វផ្សាយព័ត៌មាន ការទទួលព័ត៌មានរបស់ប្រជាពលរដ្ឋ និងបញ្ហប្រឈមនានាក្នុងអនុវត្តកាងារនាពេលកន្លងមក។