នាព្រឹកថ្ងៃទី១៣ ខែកុម្ភៈ ឆ្នាំ២០១៩ នៅទីស្តីការក្រសួងព័ត៌មាន គណៈប្រតិភូគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃព្រឹទ្ធសភា (ហៅកាត់គណៈកម្មការទី៥ព្រឹទ្ធសភា) ដឹកនាំដោយលោកជំទាវ ទី បូរ៉ាស៊ី ប្រធានគណៈកម្មការ បានអញ្ជើញជួបពិភាក្សាការងារជាមួយនឹងថ្នាក់ដឹកនាំ និងអគ្គនាយកទាំង៥របស់ក្រសួងព័ត៌មាន ដឹកនាំដោយឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន ដើម្បីសិក្សាស្វែងយល់ការងារសម្រេចបានរបស់ក្រសួងក្នុងឆ្នាំ២០១៨ និងទិសដៅសម្រាបអនុវត្តបន្តឆ្នាំ២០១៩ យន្តការ និងវិធានការនៃគ្រប់គ្រងកាសែត វិទ្យុ ទូរទស្សន៍ រោងពុម្ព ព្រឹត្តិបត្រសារព័ត៌មានផ្សេងៗ និងបញ្ហាផ្សព្វផ្សាយពាណិជ្ជកម្ម ដែលកំពុងដំណើរកានាពេលបច្ចុប្បន្ន ព្រមទាំងដំណើរការនៃការកសាងសេចក្តីព្រាងច្បាប់ស្តីពីសិទ្ធិទទួលព័ត៌មាន៕