នាព្រឹកថ្ងៃសុក្រ ១០រោច ខែជេស្ឋ ឆ្នាំច សំរឹទ្ធិស័ក ព.ស.២៥៦២ ត្រូងនឹងថ្ងៃទី០៨ ខែមិថុនា ឆ្នាំ២០១៨ គណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន (គណៈកម្មការទី៥ព្រឹទ្ធសភា) បានបើកកិច្ចប្រជុំផ្ទៃក្នុង ក្រោមអធិបតីភាព លោកជំទាវ ទី បូរ៉ាស៊ី ប្រធានគណៈកម្មការ ដើម្បីពិនិត្យ ពិភាក្សាលើរបៀបវរៈ ៖ ទី១-បូកសរុបលទ្ធផលការងាររបស់គណៈកម្មការទី៥ ប្រចាំខែឧសភា ឆ្នាំ២០១៨ ទី២-ពិនិត្យផែនការប្រតិបត្តិរបស់គណៈកម្មការរយៈពេលប្រាំបីខែ (ចាប់ពីខែឧសភា ខែធ្នូ ឆ្នាំ២០១៨) និងទី៣-ការបែងចែកភារកិច្ចជូនសមាជិក សមាជិកា គណៈកម្មការទី៥ នៅសាលប្រជុំគណៈកម្មការទី៥ ព្រឹទ្ធសភា។