សមាជិកាព្រឹទ្ធសភាចូលរួមប្រជុំគោលនយោបាយស្តីពី ការប្រឆាំងអំពើហិង្សាលើស្រ្តី នៅក្នុងសភាប្រើភាសាបារាំង តាមប្រព័ន្ធវីដេអូ
===========
នារាត្រីថ្ងៃអង្គារ ទី៨ ខែធ្នូ ឆ្នាំ២០២០ នៅសាលប្រជុំពិសេស វិមានព្រឹទ្ធសភា គណៈប្រតិភូព្រឹទ្ធសភា នៃព្រះរាជាណាចក្រកម្ពុជា ដឹកនាំដោយលោកជំទាវ ទី បូរ៉ាស៊ី ប្រធានគណៈកម្មការទី៥ព្រឹទ្ធសភា និងជាសមាជិកាក្រុមសភាជាតិកម្ពុជាប្រើភាសាបារាំង ទទួលបន្ទុកតាក់តែងគោលនយោបាយស្តីពី ការប្រឆាំងអំពើហិង្សាលើស្រ្តីនៅក្នុងសភាប្រើភាសាបារាំង(APF) បានអញ្ជើញចូលរួមប្រជុំគោលនយោបាយស្តីពី ការប្រឆាំងអំពើហិង្សាលើស្រ្តីនៅក្នុងសភាប្រើភាសាបារាំង(APF) តាមប្រព័ន្ធវីដេអូ ផ្សាយចេញពីទីក្រុងប៉ារីស ប្រទេសបារាំង វេលាម៉ោង១៤:០០នាទី ម៉ោងនៅទីក្រុងប៉ារីស ត្រូវនឹងម៉ោង២០:០០នាទី ម៉ោងនៅរាជធានីភ្នំពេញ។

ក្នុងឱកាសនោះលោកជំទាវ ទី បូរ៉ាស៊ី ក៏បានធ្វើបទអន្តរាគមដើម្បីរួមចំណែកក្នុងការតាក់តែងគោលនយោបាយស្ដីពីការប្រឆាំងអំពើហិង្សាលើស្រ្តីនៅក្នុងសភាប្រើភាសាបារាំងAPFផងដែរ។

កិច្ចប្រជុំនេះដឹកនាំដោយលោកជំទាវ Maryse Gaudreaut ប្រធានបណ្ដាញស្រ្ដីនៃសភាប្រើភាសាបារាំងAPF និងជាប្រធានក្រុមការងារតាក់តែងគោលនយោបាយ ដោយមានក្រុមសមាជិកាចូលរួម៩ប្រទេស (Belgique, Bénin, Cambodge, Canada, Sénégal, Roumanie, Rwanda, Ontario et Polynésie Française)។