នៅថ្ងៃទី ០៤ខែមេសា ឆ្នាំ២០២០ ឯកឧត្ដម ឆាយ វណ្ណា លេខាធិការ ក្រុមសមាជិកព្រឹទ្ធសភាបករចាំភូមិភាគទី២ និង ឯកឧត្ដមឡាន់ ឆន សមាជិកក្រុម តំណាង ឯកឧត្ដមអ៊ុក ប៊ុនឈឿន ប្រធានក្រុម បានអញ្ជើញចុះជួបសួរសុខទុក្ខ សំណេះសំណាល ជាមួយ ក្រុមប្រឹក្សាខេត្ត អាជ្ញាធរស្រុក និងតំណាងក្រុមប្រឹក្សាឃុំទាំងអស់ក្នុងស្រុកក្រូចឆ្មារ និងស្រុកតំបែរដើម្បីជំរុញការផ្សព្វផ្សាយអំពីវិធានការក្នុងការបង្ការ និងទប់ស្កាត់នៃការរីក រាលដាលជំងឺកូវីដ១៩ (COVID-19) ជូនដល់បងប្អូនប្រជាពលរដ្ឋនៅ ស្រុកក្រូចឆ្មារ និងស្រុកតំបែរ ខេត្តត្បូងឃ្មុំ។
ក្នុងឱកាសនោះដែរ ឯកឧត្ដម ឆាយ វណ្ណា និង ឯកឧត្ដម ឡាន់ ឆន បាននាំយកអំណោយជាសម្ភារៈ រួមមាន ក្រម៉ា ទឹក អាកុល ជែលសម្រាប់លាងដៃ ម៉ាស់សម្រាប់ពាក់ការពារ និងថវិកា មួយចំនួន ដើម្បីចែកជូន ក្រុមប្រឹក្សាខេត្ត អាជ្ញាធរ ស្រុកទាំង២និង ក្រុមប្រឹក្សាឃុំទាំង១៩ផងដែរ។