នាយប់ថ្ងៃទី០៦ ខែតុលា ឆ្នាំ២០២០ នៅវិមានព្រឹទ្ធសភា ក្រុមបណ្តាញស្រ្តីនៃសភាប្រើប្រាស់ភាសាបារាំង នៃសភាកម្ពុជា ដឹកនាំដោយលោកជំទាវ ទី បូរ៉ាស៊ី ប្រធានក្រុម និងជាប្រធានគណៈកម្មការទី៥ព្រឹទ្ធសភា បានចូលរួមក្នុងកិច្ចប្រជុំវិសាមញ្ញរបស់បណ្តាញស្ត្រីនៃសភាប្រើភាសាបារាំង (APF) តាមរយៈប្រព័ន្ធវីដេអូ (Visioconférence) វេលាម៉ោង ១៤:៣០នាទី ម៉ោងនៅទីក្រុងប៉ារីស ប្រទេសបារាំង ត្រូវនឹងម៉ោង ១៩:៣០នាទី នៅព្រះរាជាណាចក្រកម្ពុជា។
កិច្ចប្រជុំនេះប្រព្រឹត្តទៅក្រោមអធិបតីភាពលោកជំទាវ Maryse Gaudreault ប្រធានអង្គប្រជុំនៃបណ្តាញស្ត្រីប្រើប្រាស់ភាសាបារាំង និងជាសមាជិកសភា Québec ដោយមានការចូលរួមពីប្រទេសជាសមាជិកចំនួន ៥៤ ប្រទេស ។