លោកជំទាវ ទី បូរ៉ាស៊ី ប្រធានគណៈកម្មការទី៥ព្រឹទ្ធសភា អមដំណើរដោយលោកស៊ឹម សុខវិ បូរ ប្រធានលេខាធិការដ្ឋានសមាគមសង្គហ:មន្ត្រីរាជការនៃអ.ព.ស បានប្រគល់អំណោយជាអង្ករ1.000kg ដែលជាវិភាគទានរបស់លោកព្រឹទ្ធាចារ្យវេជ្ជបណ្ឌិត វ៉ាង ស៊ិន មិញ ជូនប្រជាពលរដ្ឋក្រីក្រខ្វះខាតចំនួន100 គ្រួសារក្នុងឃុំទំនប់ធំ ស្រុកពញាឮ ខេត្តកណ្តាល។ អញ្ជើញជាតំណាងលោកថន សុវណ្ណា ប្រធានគណបក្សនិងជាអភិបាលស្រុកពញាឮ ក្នុងពិធីចែកអំណោយនេះរួមមានលោកនុត ប៉ាតទីប្រឹក្សាក្រសួងធនធានទឹកនិងឧតុនិយម លោកអោក ស៊្រុន ប្រធានក្រុមប្រឹក្សាស្រុក លោកស្រីឈៀន ចន្ថា សមាជិកក្រុមប្រឹក្សាស្រុក លោកនូ ឡេន មេឃុំទំនប់ធំនិងសហការី ។ លើសពីនេះលោកជំទាវប្រធានបានឧបត្ថម្ភអង្ករ2បេសម្ភារៈហូបនិងថវិកា100.000៛ជូនលោកតាលោកយាយក្រីក្រ1គ្រួសារនៅឃុំកំពង់លួង និង ឧបត្ថម្ភអាល់កុល 58 ដប ម៉ាស់1ប្រអប់ ថ្នាំរាក3កំប៉ុង និងប្រេងកូឡាមួយចំនួន ជូនស្រុកសម្រាប់ផ្ដល់ជូនមន្ត្រីប្រើប្រាស់ក្នុងកន្លែងធ្វើការ។