ថ្ងៃអាទិត្យ ៩ រោច ខែភទ្របទ ឆ្នាំកុរ ឯកស័កព.ស២៥៦៣ ត្រូវនឹងថ្ងៃទី២២ ខែកញ្ញា ឆ្នាំ២០១៩ លោកជំទាវ ទី បូរ៉ាស៊ី ប្រធានគណៈកម្មការទី៥នៃព្រឹទ្ធសភា និងជាអនុប្រធានទី១ក្រុមការងារថ្នាក់កណ្តាលចុះជួយស្រុកពញាឮ បានអញ្ជើញជួបសំណេះសំណាលជាមួយលោកតាលោកយាយ ពុទ្ធបរិស័ទជើងវត្តព្រះសុគន្ធមានបុណ្យ ឃុំផ្សារដែក ស្រុកពញាឮ ខេត្តកណ្តាល ចំនួន២០០នាក់ នៅសាលាស្រុកពញាឮ។ លោកជំទាវប្រធានបានពាំនាំប្រសាសន៍ផ្តាំផ្ញើរបស់សម្តេចថ្នាក់ដឹកនាំកំពូល ឯកឧត្តមទេព ងនអនុប្រធានទី២ព្រឹទ្ធសភា និង ឯកឧត្តមរដ្ឋមន្ត្រី លឹម គានហោ ប្រធានក្រុមការងារថ្នាក់ជាតិ សាកសួរសុខទុក្ខលោកតាលោកយាយ និង លើកទឹកចិត្ត ឲ្យចូលរួមរក្សាសន្តិភាព សណ្តាប់ធ្នាប់សង្គម។