នាព្រឹកថ្ងៃទី១៦ ខែកញ្ញា ឆ្នាំ២០២១ លោកជំទាវ ឃួន ឃុនឌី សមាជិកាគណៈកម្មការទី៥ព្រឹទ្ធសភា និងជាសមាជិកាព្រឹទ្ធសភាប្រចាំភូមិភាគទី៨ និងលោកជំទាវ លឹម ផល្លា តំណាងរាស្ត្រមណ្ឌលខេត្តកំពង់ធំ បានអញ្ជើញនាំយកគ្រឿងទេយ្យវត្ថុ និងបច្ច័យសម្រាប់ផ្គត់ផ្គង់ចង្ហាន់ បច្ច័យកសាងយកទៅប្រគេនព្រះគ្រូចៅអធិការវត្ត ដែលគង់ចាំព្រះវស្សានៅវត្តសុវណ្ណជលសារ (ហៅវត្តកំពង់ចម្លង) ស្ថិតនៅឃុំផាត់សណ្ដាយ ស្រុកកំពង់ស្វាយ ខេត្តកំពង់ធំ។ បន្ទាបមកលោកជំទាវបានបន្តជួបសំណេៈសំណាលជាមួយសមាជិកក្រុមប្រឹក្សាឃុំ មេភូមិ អនុភូមិ សមាជិកភូមិ ក្នុងឃុំផាត់សណ្ដាយ ស្រុកកំពង់ស្វាយ ខេត្តកំពង់ធំ។ លោកជំទាវបានជួបសំណេះសំណាលនិងស្ដាប់របាយកាណ៍របស់លោកមេឃុំ រាយការណ៍អំពីស្ថានភាពជីវភាពរស់នៅរបស់បងប្អូនប្រជាពលរដ្ឋ ការបម្រើសេវាសាធារណៈ ភូមិឃុំមានសុវត្ថិភាព បញ្ហាប្រឈម និងសំណូមពរនានា។
ក្នុងឱកាសនោៈផងដែរលោកជំទាវបានឧបត្ថម្ភដល់រដ្ឋបាលឃុំនូវសម្ភារមួយចំនួនរួមមាន៖ ក្រមាចំនួន១០០ក្រមា សារ៉ុងចំនួន៥០សារ៉ុង ម៉ាស់ចំនួន១៥ប្រអប់ សាប៊ូដុសខ្លួនចំនួន៦០ដុំ ផ្លែមានចំនួន៣កេស និងថវិកាចំនួន៨០០.០០០រៀល ស្ថិតនៅសាលាឃុំផាត់សណ្ដាយ ស្រុកកំពង់ស្វាយ ខេត្តកំពង់ធំ។